Gin-hangyo han gobyerno han Pilipinas, pinaagi han Department of Foreign Affairs (DFA), nga tanggalon han gobyerno han Oman kumo resikito an pagkakamay-ada hin negative-HIV certificate para ha mga Pinoy nga makadto ha mao nga nasud.
Ha usa nga pamahayag, gin malatumat han DFA nga naghimo an mao nga buhatan hin “strong representations” ha embahada han Oman ha Manila agud tanggalon an mao nga resikito ha paglakat han mga Pinoy agud mag trabaho ha mao nga nasud.
Dugang pa han DFA, gin lalauman hini an positibo nga resulta mahitungod ha maayos ngan madig-on nga relasyon han Pilipinas ngan Oman.
Samtang, nagpagawas naman hin pahinumdom an Emirates ha mga Pilipino kabahin ha restriksyon pagsakob ha Oman, nga nagyayakan nga kinahanglan anay kumuha hin certificate hin HIV test ugsa bumiyahe.
