Igin patuman han gobyerno han Pilipinas an bag-o nga patakaran nga magmamando hin limitasyon ha pag gios han presyo han mga produkto nga petrolyo kasunod han deklarasyon han national energy emergency.
Subay hiton Department of Energy (DOE), diri direkta nga kokontrolon han gobyerno an mismo nga presyo han lana, pero lilimitahan kun kutob diin kadako an puydi ig hitaas o ig hamubo han presyo.
Ha ilarom han balaodon, obligado nga sundon han mga oil company an igin isa nga minimum rollback ngan maximum price increase. Karuyag signgon, kun may-ada igin himubo han presyo an DOE, kinahanglan pantayan o subrahan ini han mga kumpanya.
Gin-taganduon ni Energy Secretary Sharon Garin nga kinahanglan sundon han tanan nga oil companies an igin isa nga adjustments han gobyerno. Pananglitan aada ha P24.94 an rollback, puydi ini hitas-am han kumpanya pero diri puydi pahimub-an ha igin isa nga presyo han gobyerno.
