Igin kalipay han Philippine National Police (PNP) an padayon nga paghimubo han ihap han mga natalapas han ordinansa ha ilarom han “Safer Cities” initiative nga sumala ha mga otoridad in diri la resulta han mahugot nga enforcement kundi han mas hitaas nga kooperasyon han publiko.
Sumala kan PNP chief Gen. Jose Melencio Nartatez Jr., igin pakita han trend nga hinay-hinay na nga nabalhin an kultura nga kahadlok nga madakop ngada ha pagsunod ha balaod mahitungod ha pagiging patas ngan consistent han pagpapatuman han mga ordinansa.
Igin patuman han programa an mahugot nga pagbabantay ha mga pagtalapas ha balaod sugad han pag-inom ha pampubliko nga lugar, curfew violations han mga minor de edad, topless loitering, ngan late-night karaoke. Kasagaran han mga naitala nga violations in may-ada kalabutan ha public drinking ngan curfew breaches.
Ha lain nga bahin, gin aaghat naman han Department of the Interior and Local Government (DILG) an mga local government units nga magpasa hin mga ordinansa nga ma suporta ha mao nga programa agud mas magin pare-pareho an implementasyon ha bug-os nga nasud.
Subay ha PNP, importante nga klaro ngan legal an basaran agud malikayan an kalipat han publiko ug mapabilin nga patas an pagpapatuman han balaod samtang iginsusulong an mas talwas na komunidad.
