NATIONAL NEWS– Ginpapasigurado ni Pangulong Ferdinand Marcos Jr ha mga concerned agencies han gobyerno nga magigin maupay ngan talwas an pagbiyahi han aton mga kababayan nga mauli ha ira mga probinsya yana nga Semana Santa.
Sumala kan Palace Press Officer USec. Claire Castro, ginmanduhan han Pangulong Marcos an Department of Transportation (DOTr) ngan magin an mga attached agencies hine nga pakusgon an ira monitoring kasumpay hiton Holy Week exodus.
Karuyag ni Pangulong Marcos nga masigurado an katalwasan ngan komportable an mga pasahero ha ira pagbiyahe pauli ha ira tagsa-tagsa nga mga probinsiya para mamalandong.
Matungod dinhi, lauman nga magigin mahugot an inspeksyon ha mga bus terminals, pier ngan airports.
Ginpapasigurado gihapon hiton Presidente nga waray matatabo nga pagka delatar ha operasyon han mga major thoroughfares han nasud matungod nga damo an mabiyahi.
