-- Advertisements --
METRO MANILA – Makikigbubligay hi President Ferdinand Marcos Jr. ha mga lider han Kongreso agud pag-hisgotan an possible paghahatag ha iya hin gahum nga ibanan an excise tax ha produkto han petrolyo.
Ini in kun umabot ha $80 kada bariles an presyo han Dubai crude o Brent crude ha world market.
Sumala ha Presidente, possible ipatuman an temporary nga paghamubo han buwis agud maibanan an epekto hini ha mga motorista ngan mamaralit.
Ha kaluyo naman hini, ginsigurado ni Presidente Marcos nga insakto an suplay han lana ha nasud ha butnga han tension ha Middle East, sanglit waray dapat igkabaraka an publiko.
Samtang, padayon naman nga ginmomonitor han gobyerno an pagkiwa han presyo han lana ha world market.
