NATIONAL–Gindayaw ni Pangulong Ferdinand Marcos Jr. hi Japanese Prime Minister Sanae Takaichi ha iya pagdaog ha ginbuhat nga snap election ha Japan han ika 8 han Pebrero, nga usa nga makusog nga mando tikang ha mga mulupyo han Japan.
Gintudlok an Pangulo an Liberal Democratic Party (LDP) ni Takaichi kumo usa nga ‘landslide victory’ nga nagpapakita han pagtapod han publiko ha bago nga administrasyon han Japan.
Utro nga gindig-unan ni Marcos nga an Japan in kumo harani nga sangkay ngan matatapuran nga kaalyado han Pilipinas, ngan gintagan hin duon an importante nga kontribusyon han pamamangulo hine ha rehiyon.
Ginmalatumat gihapon han Presidente nga ginlalaoman han Pilipinas an mas hilarom nga kooperasyon ha Japan agud nga pakusgon pa an relasyon bilateral ngan rehiyonal.
Kumo presente nga ASEAN Chair, ginduon ni Marcos an hingyap han Pilipinas nga makigbuligay ha gobyerno han Japan ha pagduduso hin kamadig-on, kooperasyon ngan pagka-urosa nga responsibilidad ha Indo-Pacific.
