NATIONAL- Magpapabilin nga nakapukos hi Pangulong Ferdinand R. Marcos Jr. ha iya mandato nga paupayon an kalidad han kinabuhi han kada Pilipino ngan igpadayon an mga pitad agud nga mapaupay pa an pakabuhi han mga Pinoy.
Sumala kan Presidential Communications Office (PCO) Undersecretary ngan Palace Press Officer Claire Castro, nagpapabilin nga hitaas an pagtapod han kadam-an ha Pangulo ha kaluyo nga may gumawas nga survey kasumpay ha iya trust ngan performance ratings.
Dugang pa hine, naapektaran han sunod-sunod nga bagyo an mga programa han gobyerno nga nagpapanuyo nga pahamub-on an national hunger rate.
Gindig-unan hine nga dire naundang iton gobyerno ha pagpapatuman han mga programa sugad han Walang Gutom Program ngan Special Feeding Program agud nga masigurado an katalwasan han mga Pilipino.
