NATIONAL – Abre an Pilipinas ha bisan anu nga suhestyon o ideya nga magtitikang ha Amerika agud nga mas mapaupay pa an sitwasyon han nasud ha butnga han magkalain-lain nga ayat nga ginkaka-atubang hine.
Ine an pahayag nga ginhimo han Pangulo ha courtesy call ha iya han US Senate Armed Services Committee Congressional delegates ha Malakanyang.
Subay ha Pangulo, damo nga mga butang nga pwede magin kasugbong an US sugad han mga multilateral nga kasarabutan nga nahimo maitindog ha rehiyon.
Dugang pa han Pangulo, damo pa iton angay paghimangrawan ha butnga han Pilipinas ngan Amerika.
Nagpahayag gihapon hin paglaom hi Pangulong Marcos labi na nga magigin kasugbong hine an US, labi na han nakalabay nga century in nagin suok na an relasyon han duha nga nasud.
