-- Advertisements --
TACLOBAN CITY – Padayon pa nga gintutudlok han mga otoridad an pangilal-an han patay nga lawas han usa nga lalaki nga nakit-an nga naglulutaw-lutaw ha kadagatan harani ha Balyuan, syudad han Tacloban.
Photo own by Bombo Radyo Tacloban
Sumala han nakakita han mao nga patay nga lawas, posible nga nalumos an biktima nga rason han pagkaada hini hin pilas ngan samad ha lawas hini.
Ginbabana-bana nga ada ha 35 ngada 40 anyos an pangidaron an mao nga biktima ngan nakasul-ot ini hin itom nga shorts ngan waray bado han makit-an ini nga palutaw-lutaw ha mao nga kadagatan.
Ha pagkayana in padayon naman an gindudumara nga imbestigasyon han mga kapulisan agud nga masabtan kun may foul play o waray ha mao nga insidente.
