TACLOBAN CITY – Guinlalamayan ha pagkayana an patay nga lawas han tulo ha upat nga mga sundalo han Eastern Visayas nga namatay ha usa nga engkwentro ha butngan han mga Maute Group sa Marawi City.
Sumala kan Lt Col Cherry Junia, Tagapagyakan han 8th Infantry Division nga nakabase ha Samar, nga usa nga Arrival Honors an ginhatag han Militar ha tulo ha upat nga fallen heroes han 63rd Infantry Battalion, kaupod na dinhi hi Pfc Mark Anthony E. Moratal, nga taga Barangay Cajagwayan, San Policarpo, Eastern, Samar.
Gintagaan gihgapon hin hitaas nga pagkilala an mao nga mga Sundalo nga nakipagbakbakay para ha mga Terrorista nga Maute nga adto pa ha pagkayana ha Marawi City.
An mao nga Seremonya in guintambungan hin hataas nga Opisyal han Militar ngan mga enlisted personnel, mga Kaanak ngan pamilya ha DZR Airport, San Jose, Tacloban City.
Naghatag hin dayun nga bulig pinansyal an Militar ha mga namatay nga asawa ha ginbuhat nga send-off ceremony dida han July 24, 2017 ha Headquarters han 8ID, ugsa paman nga ighatod ha ira lugar an mga namatay.
Samtang pakuriay naman an pagkuha han patay nga lawas han usa pa nga nabibilin tungod nga padayun pa an bakbakay ha Marawi.
