NATIONAL – Iginbuyagyag han Department of Justice posible nga mayda koneksyon an nahitabo nga ‘war on drugs’ ha kaso han pagkawara han mga biktima nga sabungero.
Ine mismo an ginkumpirma ni Justice Secretary Jesus Crispin Remulla ha nahitabo nga presscon.
Sumala ha hine, ira nakitaan hin koneksyon an pagkaka-aresto han pira nga suspek nga dabi ha ilegal nga droga ha kaso han mga nawawara nga mga sabungero.
Ha nagpapadayon nga imbestigasyon, ira daw nadiskubrehan ngan nahibaruan nga mayda koneksyon an duha nga naaresto nga suspek ha Meycauayan, Bulacan.
Pero aminado hi Justice Secretary Remulla nga mayda problema ha nasabi nga kaso mahitungod nga nagkamay-ada hin recantation ha pira nga indibidwal nga nakaistorya na daw han buhatan.
Dugang pa hine, pati an death squad ha war on drugs in nakikitaan gihapon hine koneksyon ha daw nahitabo nga pagpatay ha mga nawawara nga sabungero.
