-- Advertisements --
NATIONAL NEWS– Ginlalauman na han Securities and Exchange Commission (SEC) an pagdamo han mga foreign businesses nga magpaparehistro ha nasud.
Ine in kasunod han pagkakatangal han Pilipinas tikang ha listahan nga hurak ha money laundering ngan terrorism financing.
Ginpaangbit ni SEC chairman Emilio Aquino, nga posible madoble an mga negosyo tikang ha iba nga nasud, pananglitan mahibaruan an pagkakatangal han Pilipinas ha ‘grey list’.
Pagklaro gihapon hine nga tikang pa hadto in damo na nga mga foreign companies an nagparehistro ha ira opisina.
Subay ha listahan han SEC han Foreign Investment Registration Station nga ginlunsar hadton 2023 in maabot na ha 10,000 na kumpanya an nagparehistro.
