NATIONAL–Ginsigurado ni Department of Public Works and Highways (DPWH) nga an mga magigin bag-o nga mga flood control projects nga hihimuon ilarom han ira departamento in igpapailarom ha close monitoring ngan igsisigurado nga masunod ha ensakto nga proseso ngan plano.
Sumala kan DPWH Sec. Vince Dizon nga kun maghihimo man utro hin mga bag-o nga mga plano para ha mga flood control projects in ginsigurado hine nga babantayon ngan mahihimo an mga ine hin ensakto kun diin tagan hin duon han kalihim nga upod an Iligan ha mga bubuhaton nga mga proyekto.
Naka-abat kasi hin grabe nga pagbaha han paglasurbo han Bagyong Basyang an probinsya han Iligan kun diin nakaghipatik ine hin 5 pa nga namatay durot hiton dagmit nga paghitaas han baha ha lugar.
Labot la hine, ginsaad gihapon ni Dizon nga gagamiton an higayon nga ine para ha pagplaplano hin ensakto para ha tuig 2027 in matitikangan na an pagbug-os hin mga proyekto ngan stuktura nga kinahanglan han mga mulupyo labi na ha mga flood prone areas.
Samtang, basar ha monitoring han iya opisina, labot la ha Iligan, in nanginginahanglan gihapon hin mga flood control projects an mga probinsya han Cagayan de Oro, Cotabato, ngan Maguindanao kun diin damo an naberipika nga mga flood control areas.
Mababaruan naman nga ha ginpirmahan nga proposed 2026 budget ni Pangulogn Ferdinand Marcos Jr. in mayada P2.49-B nga nakalaan para ha pagmentenar ngan operating expenses ha mga existing flood control ngan drainage systems.
