METRO MANILA – Ginlalauman an paghitaas han presyo han mga produkto han petrolyo ha masunod nga semana, sumala ha Department of Energy (DOE) dida han Biyernes.
Basar ha upat kaadlaw nga Mean of Platts Singapore (MOPS) trading, ginbabana-bana nga magigin sugad an pagkiwa han presyo han kada litro han:
Gasolina — P1.10 an ighihitaas
Diesel — P0.50 an ighihitaas
Kerosene — P0.90 an ighihitaas
Sumala ha Department of Energy – Oil Management Bureau, an paghitas in durot han tensyon ha butnga han Estados Unidos ngan Iran.
Dugang pa han buhatan, nagpatuman an US hin panibag-o nga sirot ha 12 nga tanker nga nagdadara hi n Iranian crude kaupod han duha nga military buildup ha Middle East, nga nakag-amot han pag-hitaas han presyo han petroleum products ha pankalibutan nga merkado.
Ginklaro han DOE nga an final price adjustment in masasabtan mahuman an Friday’s MOPS trading ngan kun naiupod na an operating costs ngan iba pa nga premium han mga kumpanya han lana.
