-- Advertisements --
TACLOBAN CITY – Nadakop han mga kapulisan an usa nga high profile nga CPP/NPA member ngan gin aalegar nga usa ha mga suspek han natabo nga Inopacan Massacre dida han 1980s ha gindumara nga operasyon ha Sitio Bigaa, San Pablo Naval, Biliran.
Ginkilala an suspek kan Luzviminda Orillo y Omapas, a.k.a. Remy, 54 anyos ngan residente han mao nga lugar.
Sumala kan PLt Steven Pagtabunan, Deputy Chief of Police han Naval PNP, naaresto an mao nga suspek pinaagi ha bisa han warrant of arrest para ha kaso nga 15 counts han murder nga waray may ginrekomenda nga piyansa.
Ha pagkayana in temporaryo na nga nakadetine an suspek ha Naval Police Station samtang ginpapamulat pa kun sano ini dada-on ha Manila kun diin gin-isyu an iya warrant.
