NATIONAL–Gindayaw han usa nga propesor ha komunikasyon an mga inobasyon han Bombo Radyo Philippines nga nakikit-an nga pangunahon nga rason kun kay ano nagpapabilin nga buhi an industriya han radyo kaluyo han madagmit nga pag-uswag han teknolohiya ngan digital media.
Ha pakikighimangraw han Bombo Radyo kan Dr. Shiela Mae Quero, propesor ha Broadcasting Division ng West Visayas State University–College of Communication, ginmalatumat hine nga dire la nakakadungan an istasyon ha bag-o nga teknolohiya kundi nagigin inspirasyon gihapon ine ha iba pa nga istasyon han radyo agud nga magpadayon nga magpaangbit hin ensakto ngan masasarigan nga impormasyon.
Sumala kan Dr. Quero, an visual component han radyo in naangay ha bag-o nga henerasyon han kabataan nga mahilig ha digital media.
Gintagan gihapon hin duon hine an kultura han kredibilidad nga etikal nga pamamahayag han Bombo Radyo nga nagin sandigan han pagtapod han publiko ha sulod hin sobra 60 katuig.
Ha pagkayana, in mayada 32 ka fully digitalized radio stations an Bombo Radyo Philippines nga padayon nga nagseserbisyo dire la ha content kundi pati ha impluwensya ngan pagtapod han publiko.
An mga inobasyon nga ine in pruweba nga an radyo in nagpapabilin nga bag-o ngan imporante ha komunidad.
