TACLOBAN CITY– Ginpatpod hiton Leyte Metropolitan Water District (LMWD), nga mahuhuman na an ira paghingayad hiton mga pipeline nga magsusuplay hiton tubig ha Northern Barangays hiton syudad.
Sumala kan Leyte Metropolitan Water District (LMWD), General Manager Ronnie Cornico, nga ha katapusan hiton bulan in ginhhingita na nira nga mahuhuman an paghingayad han linya nga tikang Pastrana pakanhi ha syudad hiton Tacloban.
Dugang pa hine, pananglitan nga mahuman na an paghingyad in dire na ma-araba an mga nag-uukoy ha Northern Barangays kasumpay han ira pagkonsumo hiton tubig.
Ginmalatumat pa ni Cornico, nga ada na ha 95% an nahuman hiton mga contractor ha paghingayad han Pastrana-Tacloban nga linya han tubig, sanglit nga haligot nala nga panahon iton ginhuhulat ngan ha katapusan hiton bulan han Hulyo an ira nakatalaan nga paghuhuman han nasabi nga paghingayad.
