-- Advertisements --
ODD NEWS – Usa nga musician ha Germany an nakapaghipatik hin world record tungod ha napakadamo hini nga koleksiyon han mga bass guitar.
Ginkumpirma han records keeping organization nga Guinness World Records nga hi Uli Salm an pinakabag-o nga world record holder han titulo nga “Largest Collection of Bass Guitars” mahuman nga makapagkolekta hiya hin 854 bass guitars.
Tuig 1963 han siyahan hi Salm magkamayda hin bass guitar han regaluhan hiya han iya kag-anak hin Fender Precision para ha iya 14th birthday. Tikang hadto, in mas dumamo an iya bass guitar mahuman gihapon nga maghimo ini hin iya kalugaringon nga banda.
Ha pagkayana, makikita an mga koleksyon ni Salm ha iya restaurant ha Hamburg, an ZWICK Home of Rock n’ Roll.
