Ebidensya ngan diri popularidad an magdedesisyon ha kamumutangan han impeachment trial ni Vice Presidente Sara Duterte.
Ini an gin tagan duon ni House Committee on Higher and Technical Education Chair Jude Acidre, kundiin gin himo niya nga pananglitan an pagpapaiwas ha puwesto kan anay Pangulong Joseph “Erap” Estrada dida han tuig 2001 agud igpakita nga akos papagbatunon han nasud magin an pinakasikat nga lider kun iglalatag an mga ebidensiya kontra hini.
Subay kan Acidre, ginpamatud-an na han kasaysayan nga nagbabag-o itun opinyon hiton publiko kun mismo mga Pilipino na an nakakakita han mga kamatuoran.
Dugang pa hini, nagtutuo hi Acidere nga ini nga pan hinabo in bag-o pa para yana nga henerasyon pero nabuhat na ini han nasud dida han mga nakalabay nga administrasyon.
Igin duon pa han mambaralod nga ha pagkayana, an ayat ha ira in iglatag an mga ebidensya ha pamaagi nga madali maiintindihan han mga ordinaryo nga Pilipino agud makit-an han mga ini an ira papel ha isyu.
Dagung pa ni Acidre, ha kaluyo nga magkakaiba an politikal nga panlantaw han mga Pilipino, nagkakaurusa la gihapon an mga ini ha pagbibiling hin kabaratunan ngan maupay nga liderato.
