Usa nga 57-anyos nga lalaki tikang ha India an nakaghipatik hin world record mahitungod ha dako nga koleksyon hin paper cups.
Hi Sunil Joseph, usa nga social worker in mayda kapot yana nga kabug-usan nga 858 paper cups nga tikang ha 31 nga magkadiru-dilain nga nasud. An iya koleksyon in ginbubug-os han mga paper cup nga mayda iba-iba nga kadako, tikang ha gudti nga 5 milliliters ngada ha mas dagko pa ha 500 milliliters.
Sumala kan Sunil, bata pala hiya in mahilig na hira mangolekta hin iba-iba nga butang sugad han mga stamp, sensilyo, postcard, ngan iba pa nga kakaiba nga memorabilia.
Dida han 2013, nakilala gihapon hiya mahuman makaghipatik hin rekord para ha iya koleksyon han phone cards.
Sumala pa hini, dako nga bulig an iya mga kasangkayan ngan pamilya ha pagbug-os han iya mga koleksyon. Mahitungod nga pira ha iya paper cup collection in padara han mga nakikit-an nira nga paper cups tikang ha magkadiru-dilain nga parte han kalibutan.
Gintatago ni Sunil an iya mga koleksyon ha ira balay ngan kaurugan gihapon nga nago-organisa hin mga exhibition ha mga iskuylahan ngan kolehiyo agud maipaangbit an iya nga natikok nga butang ha mga kabataan.
Para kan Sunil, an susi ha kalangpusan in kamaduruto ngan dedikasyon.
Dugang pa, an simple nga libangan la in pwde magin usa nga kakaiba nga pamana kun igpapabilin an paghigugma hini.
