Nagtutuo an Department of Education (DepEd) nga makakaabot hin tikang 26 milyon kutob 28 milyon an mga estudyante nga masulod yana nga school year 2026-2027.
Sumala kan Assistant Secretary Jocelyn Andaya , may-ada sadang nga teaching ngan non-teaching personnel ha public elementary ngan secondary schools para ha mao nga ihap han mga estudyante.
Samtang, may-ada naman pira nga mga eskwelahan an kulang hin mga magturutdo samtang an iba naman in subra pa an ihap.
Basar ha teacher-to-student ratio in may-ada usa nga magturutdo kada 35 nga mga estudyante ha elementary samtang ha sekondarya naman in may-ada usa nga magturutdo ha 45 nga estudyante.
Samtang, an mga classroom ratio in aada ha usa nga classroom kada 32 nga mga estudyante ha elementary; usa nga classroom kada 39 nga estudyante ha junior highschool sugad man usa nga classroom ha kada 36 nga estudyante para ha senior high school.
