Diri makatuo an mga otoridad mahuman mahisabutan nga usa nga pulis an nanguna hin peke nga bomb threat para la likayan an iya kalugarangon nga despedida.
Dida han nakalabay nga Marso, nakakarawat hin makaharadlok nga tawag an usa nga restaurant ha Saga City kundiin, gin abisohan an mga restaurant staff nga panginanuon an ira mga purtahan. Pagkita han mga empleyado, usa nga papel an ira nakita nga may nakasurat nga “Nagtanim ako ng bomba rito.”
Mahitungod ha hulga, dayon nga gin kansela an nakatalaan nga farewell party hadto nga gab-i. Ha kaluyo nga waray natad-an nga bomba an mga rumesponde nga otoridad, nahikalasan an mga ini han mahibaruan ha imbestigasyon nga an mismo tatagan han farewell party han mao nga adlaw an nag plano han pan hadlok.
Han pamakianhan ini kun kay ano niya adto gin buhat, igin malatumat hini nga na diri hiya pag atender han iya kalugaringon nga party.
Nakatalaan na unta nga mag retiro an mao nga pulis dida han Marso pero mahitungod han iya gin buhat in imbes nga makagretiro hin maayos ha trabaho, in naka karawat ini hin formal reprimand ngan napiritan nga bumul-iw ha iya trabaho dida han Abril 30 ngan ma atubang ha kaso nga forced obstruction of business.
