-- Advertisements --

Ginpahayag han Truth Commission nga umabot na ha 8,320 an mga naidokumeto nira nga namatay ha kampanya kontra droga o war on drugs dida han administrasyon ni anay President Rodrigo Duterte, tikang ha 2016 tubtob 2022.

Sumala ha komisyon, kada ngaran han mga namatay in may katugbang nga impormasyon nga pwede beripikahon han publiko.

Mas hitaas an nasabi nga ihap kumpara ha 6,252 nga ginkilala nga namatay ha mga operasyon han Philippine National Police ngan Philippine Drug Enforcement Agency tubtob dida han Mayo 2022.

Ha luyo hini, mas hamubo naman ini ha 12,000 tubtob 30,000 nga ihap han mga namatay nga ginpahayag han prosecutor han International Criminal Court o ICC.