Utro nga nagdugang hin world record titles ha iya listahan hi David Rush, an lalaki nga mayda kapot han pinakadamo nga dudrungan nga titulo ha Guinness World Records, mahuman hini mapamatud-an an ayat para ha titulo nga “most T-shirts put on in one minute by an individual”.
Nahimo ni Rush nga magsul-ot hin kabug-usan nga 32 t-shirts ha sulod la han 60 seconds. Sumala ha iya, dire kakaiba nga ayat an iya gin atubang mahitungod nga samtang nagtitikadamo an iya sul-ot in nagtitikahuot ngan nabug-at an tela.
Iginpaangbiot niya ha internet nga paglahos niya ha ika-napulo nga bado, in baga-baga hin nagkikig-ato na hiya ha usa nga straitjacket mahitungod ha pakaipit han iya mga braso ngan kawaray hin espasyo ha pagkiwa.
Ha kamatuuran, 35 nga t-shirts an nahimo niya nga maisul-ot ha kabug-usan nga oras, pero tulo ha mga ini an na-disqualify han mga opisyal han Guinness mahitungod nga waray lumahos ha iya hawak an katapusan han bado mahitungod han kadakmol han tela.
Sugadman, ha iya opisyal nga kabug-usan nga rekord nga 32 in sobra pa ha suprisyente agud lahusan an kinahanglan niya maabot nga 25 t-shirts agud makuha an world record.
