Usa nga kakaiba nga kalangpusan an nakab-ot han 48-anyos nga hi Tanaboworn Sirikunakornkun tikang ha Thailand, nga mas kilala ha agnay nga “Super Toom”, mahuman ini opisyal nga kilal-on han Guinness World Records para ha ‘highest altitude landing of a skydive/parachute jump.’
Malinangpuson hiya nga lumanding ha tuktok han Ojos del Salado ha Chile, an pinakahitaas nga aktibo nga bulkan ha bug-os nga kalibutan.. Nahitabo an makasaysayanon nga paglukso dida han Marso 14, kun diin nalahusan niya an anay rekord dida han 2023.
Igin hulagway ni Super Toom, nga usa nga negosyante, propesor ha unibersidad, ngan opisyal ha Thai Parliament, nga baga-baga hin rainbow an kahusay han bulkan tikang ha igbaw mahitungod ha iba-iba nga kolor han mga mineral hini.
Nagtikang la hiya mga-skydive dida han 2024 pero madagmit hini nga nahipatik an sobra 1,250 nga paglukso ugsa pagdumaraon an world record agud maghatag hin dungog ha iya nasud.
