Bumuwelta hi Senador Panfilo “Ping” Lacson kan Senate President Alan Peter Cayetano kasumpay han mga iristuryahon ha pagbabag-o han Senate rules.
Ha usa nga pahayag, gin tagan duon ni Lacson nga waray sayop ha pagdedebate ha mga panukala nga pagbabag-o. An sayop in an pagbabalewaray ha kalugaringon nga patakaran ngan parliamentary procedures han Mataas na Kapulungan pinaagi han pagpupugong ha mga debate agud mas mapadagmit an pag-adopt ha mosyon nga nai-refer ha Committee on Rules.
Ini an nagin kabatunan ni Lacson mahuman pumakiana hi Cayetano ha iya Facebook livestream kun sayop ba nga paghingadayam an pagbabag-o ha patakaran han Senado. Gin klaro gihapon han Senate President nga diri pa ginbuburotosan an mismo nga pag-amyenda ha Senate rules nga magtutugot ha teleconferencing o online voting.
Pag e-eksplikar hini, an nagin botosay han nakalabay nga sesyon in tungod han mosyon kun angay ba nga paghingadayan ha plenaryo an mao nga panukala.
Ha lain nga pamahayag, igin duon ni Lacson nga bisan man puydi amyendahan an mga patakaran, in angay la gihapon sundon an sakto nga proseso mahitungod nga baga-baga hin karuyag han mayorya nga bag-uhon an rules pinaagi han “fastbreak-style” nga tarihas ha sistema han Senado mahitungod nga ha ilarom han Section 24 han Senate Rules, an mga komite in may-ada mandato nga pag hingadayan, magdesisyon, ngan magpasa hin report kanit ha mga iristuryahon nga igin haharani ira.
