ODD NEWS– Ginatos-gatos nga mga gin-aalegar pinangawat nga bikes o bisekleta an nadiskubrehan ha usa nga bungsaran ha United Kingdom.
Gin aresto an 54 anyos nga lalaki ha Oxforshire, England mahuman hiya nga igreklamo han iya mga amyaw tungod ha mga bisekleta nga nakatambak ha iya bungsaran.
An reklamo han iya mga amyaw in tungod nga gin-uukyan na ini hin mga yatot.
Sumala ha mga amyaw han suspek, nagtikang ini nga magtambak hin bikes lima katuig na an nakakalabay.
Ha sobra kadamo han mga bikes hini, nakikit-an na ini ha satellite imagery han Google Earth.
Han dire makapaghatag hin pruweba an lalaki nga dire kinawat an mga bisekleta ha iya bungsaran, gin aresto ini han mga otoridad.
Ha pagkayana , ginpagawas hin temporaryo an lalaki pero padayon nga ginbubuhat an imbestigasyon bahin hini.
Hasta ha pagkayana, waray makapagyakan kun kinawat ba an mga ini o usa nga hoarder hin bikes an mao nga lalaki.
