THE HAGUE, NETHERLANDS – Naglalaum an kampo ni anay Presidente Rodrigo Duterte nga ireresolba na han Korte Suprema an mga petisyon kasumpay ha illegal nga pagkakadakop ha anay president.
Sumala kan Atty. Salvador Paolo Panelo Jr., iya ginpaangbit nga ginlalauman nga ha bisan ano nga oras in pagdedesesyunan na han Korte Suprema an kaso.
Kasunod gihapon ini han aru-on dida han nakalabay an ‘memorandum’ han magkalain nga parte ha petisyon nga ginpasaka han mga anak ni Duterte.
Nauto hi Atty. Panelo Jr., nga an pitad o ini nga kamanduan han korte in urhi nga parte han proseso ugsa dayon nga mag-isyu hin pinal ngaa resolusyon.
An abogado in an ‘legal counsel’ ni Veronica ‘Kitty’ Duterte ha petisyon nga ‘habeas corpus’ nga ira ginpasaka ha Korte Suprema.
Duon naman han abogado nga problema na han gobyerno nga mapabalik han nasud hi former President Duterte.
Ini kun paburan han Korte Suprema an ira petisyon nga ‘habeas corpus’ ngan mandohan an mga respondents nga ibalik ngan ipresenta ha korte an anay president.
Ha kaluyo hini, positibo naman an kampo ni Duterte nga mayda la gihapon pitad nga puydi himuon an gobyerno agud maibalik anay president ha nasud.
