NATIONAL NEWS– Ginmalatumat ni Senate Committee on Women and Children Chairman Senadora Risa Hontiveros, nga dire hasta hiton kahasta madadalaganan nira Harry Roque ngan Cassandra Li Ong an ira baratunon ha nasud mahuman kanselahon han Pasig Regional Trial Court Branch 157 an ira mga pasaporte.
Sumala kan Senate Committee on Women and Children Chairman Senadora Risa Hontiveros, na atubang an duha ha mabug-at nga kaso nga human trafficking.
Angay la nga kanselahon hiton korte an ira mga pasaporte, labi na nga naglilinikay an mga ine ha balaod hiton Pilipinas.
Kumbinsido an senadora nga ha dagmit nga panahon in mahiuuli an mga ine ha nasud agud nga ka-atubangon an kaso nga iginpasaka kontra ha mga ine.
Gin-aghat naman ni Hontiveros an gobyerno nga dire umundang para lanaton an iba pa nga mga sindikato nga kriminal nga nagpapadalagan hiton Philippine Offshore Gaming Operators (POGO) scam hubs agud nga mapagbaton an mga ine ha balaod.
