ODD NEWS – Nasubasta ha kantidad nga $175,000 o kaparehas ha P10.2 million an gold bikini ni Princess Leia han Star Wars movie nga Return of the Jedi kasupod an iba pa nga Star Wars movie props.
Subay ha Heritage Auctions, nagdumara hira hin Hollywood auction dida han Hulyo 24-25 kun diin pira nga Star Wars artifacts an ira ginpasubasta ngan usa na hine an gold bikini nga sul-ot han karakter nga hi Princess Leia nga gin ganapan ni Carrie Fisher ha nasabi nga 1983 sequel han Star Wars movie franchise.
An gold bikini in gindisenyo ni Nilo Rodis-Jamero, usa nga Filipino-American assistant art director of visual effects ha Hollywood.
Manunumduman han una nga interview han nasabi nga aktres dida han 2016, gin istorya hine nga nagin challenging para ha iya an pagkuha han pira nga eksena ha Return of the Jedi mahitungod nga dire komportable samtang sul-ot an gold bikini.
