Gin tudlok ni Pangulong Ferdinand Marcos Jr. hi anay Senator Francis Tolentino kumo bag-o nga kalihim han Department of Labor and Employment (DOLE).
Gin bakyuan ni Tolentink hi Sec. Bienvenido Laguesma, nga bumul-iw han iya puwesto mahitungod ha health issues hini mahuman mag serbi tikang 2022 kutob 2026.
Hi Tolentino in usa nga abogado ngan anay Senate Majority Leader nga nagsirbi ha Senado tikang 2019 kutob 2025.
Ugsa pa man an iya karera ha lehislatura, hiya in una na nga nagin chairperson han Metropolitan Manila Development Authority (MMDA) ngan kilala ha iya papel ha disaster preparedness ngan urban management.
Samtang, hi Laguesma in usa nga beterano nga opisyal nga nagtikang pag trabaho ha DOLE dida han dekada 1970 kumo labor arbiter.
Nahimo nga kalihim hi Laguesma han DOLE ha ilarom ni anay Pangulong Joseph Estrada tikang 1998 kutob 2001, ngan utro bumalik ha pareho nga posisyon ha administrasyong Marcos Jr. dida han 2022.
Nagsirbi gihapon ini kumo commissioner han Social Security System (SSS) tikang 2011 kutob 2016.
An appointment ni Tolentino in umabot ha butnga han mga ayat ha sektor han trabaho, kaupod na an hitaas nga presyo han papliton, wage adjustments, proteksyon ha magtra-trabaho, ngan labor migration.
