Nagpahimatngon hi International Criminal Court Assistant to Counsel Atty. Kristina Conti nga sagni makaapekto ha posibilidad han paglaya ni anay pangulong Rodrigo Duterte an nagin pahayag ni Senate President Alan Peter Cayetano nga nagsasalipod ha war on drugs han nakalabay nga administrasyon.
Sumala kan Conti, iginpapakita umano han pamahayag ni Cayetano nga nagpapabilin an makusog nga impluwensiya ngan koneksiyon ni Duterte ha Pilipinas, butang nga puydi ikabahala han International Criminal Court (ICC).
Subay kan Conti, posible nga huna-hunaon han ICC nga may-ada mga tawo nga andam bumulig kan Duterte kun ini in makabalik ha nasud, rason kun kay ano sagni mahimo nga rason agud diri tugutan nga makalaya an anay presidente samtang nagpapadayon an imbestigasyon.
Manunumduman nga gin malatumat ni Cayetano ha usa nga social media livestream nga an war on drugs ni Duterte in usa nga “pro-life” ngan “human rights” campaign nga may panuyuan proteharan an mga komunidad kontra ha ilegal nga droga.
Mababaruan nga maiha na nga magkaalyado ha pulitika hira Cayetano ngan Duterte kundiin, nahimo nga running mate ni FPRRD hi SP Cayetano dida han 2016 elections ngan nagserbi ini kumo foreign affairs secretary ngan House speaker ha ilarom han anay administrasyon.
Samtang, waray pa naman pamahayag hi Cayetano kasumpay han naging komento ni Conti.
