Napamatud-an han 48-anyos nga hi Li Fengqiang nga dire balaong an kapansanan agud magmalinangpuson mahuman niya makab-ot an Guinness World Record para ha “Fastest time to put on and remove a pair of socks using the feet”. Nahipatik niya an nakakabilib nga oras nga 25.73 seconds ha pagsul-ot ngan pagtanggal han medyas gamit la an iya mga tiil.
Dida han 8-anyos pala ini, nakuryente hi Li ha usa nga high-voltage wire nga nagin rason han pagka-utod han iya duha nga kamot. Ha kaluyo han trahedya, ginpili niya nga umato ngan utro nga pag-adman an ngatanan han pan adlaw-adlaw nga buruhaton sugad han pagkaon, pagsurat, ngan pagliwan gamit an iya mga tiil.
Bisan man kun naka-eksperyensya hin duro nga pamikog, paltos, ngan agsub nga katumba, waray ini sumurender kutob ha magin natural ha iya an mga sugad nga gios.
Ha presente, nagtatrabaho hi Li kumo usa nga sports coach para ha mga tawo nga mayda kapansanan ngan hiya gihapon an nagtukod han Feiyu Sports Club, kun diin naghahatag hiya hin libre nga training para ha mga kabataan nga mayda kapansanan.
Sumala kan Li, ginbuhat niya an challenge dire agud magpasikat, kundi agud maupay nga buhi nga inspirasyon. Karuyag gihapon niya igpakita ha kumunidad nga mayda mga tawo nga mayda kapansanan an dire dapat kaluyuan, kundi kinahanglan kitaon kumo nga indibidwal nga mayda damo nga potensyal.
