Napiritan hi Senador Imee Marcos nga bawion an igin pakita nga video presentation ha plenary session ha Senado dida han Lunes, Mayo 25, 2026, kasumpay han daw plano nga “Charter Change” nga may kalabutan ha tidaraon nga piniliay ha 2028.
Ha mao nga sesyon, igin pakita ni Marcos an video nga may sulod han mga alegasyon kontra ha iya mga igkasi senador nga daw nagduduso hin Cha-Cha agud diri hanayon an eleksyon ha 2028.
Dayon naman ini nga gin pan hibuwa han mga miyembro han minority bloc ngan gin tawag nga “fake news” ngan malisyoso an presentasyon.
Mahugot naman nga igin diwara ni Senador Migz Zubiri an mao nga video ngan igin duon nga diri angay idamay an iba nga senador ha mga alegasyon.
Mahuman an batonay ha sesyon, gin tanggal ni Marcos an iya igin pakita nga materyal ngan igin malatumat nga naul-ulan hiya ha nagin reaksyon han iya igkasi mambaralaod.
Ha kaluyo hini, igin duon han senadora an iya panawagan nga siguraduhon nga diri magkakaada hin term extension ngan madadayon an piniliay ha 2028.
Dayon naman nga umabuyon hi Zubiri ngan nagpahayag nga ngatanan nga senador in naruyag nga mahinayon an eleksyon ha 2028.
