Usa nga kabilib-bilib nga kalampusan an nasikmit han 11-anyos nga hi Chaz Wildon tikang ha South Africa mahuman niya makaghipatik hin Guinness World Records para ha titulo nga “most splits in one minute”. Nahipatik niya an kabug-usan nga 47 nga splits ha sakob la han usa ka-minutos, kun diin ginpirde niya an anay record nga 46 nga kapot han usa nga lalaki tikang ha Pakistan.
Nagtikang an inspirasyon ni Chaz mahuman niya nga makit-an ha YouTube an gintatawag nga “most flexible girl in the world” nga hi Liberty Barros. Han ginprubaran niya ini ha mismo sala han ira balay, nakalasan an iya pamilya mahitungod nga dayon niya nga napantayan an kakarit hini.
Mahitungod hini, nagin determinado hi Chaz nga magkamayda hin Guinness World Record. Nag-enrol hiya ha acrobatic dance ngan umilarum hin mga training ha sakob hin walo ka-bulan.
Dida han Oktubre 2025, ginbuhat ni Chaz an iya opisyal nga pagprubar ha entablado han ira eskuylahan ha atubangan mismo han iya mga classmate ngan teachers. Sumala ha nanay hini, duro an ira kalipayon mahitungod ha nakita nira nga dedikasyon han bata agud makab-ot hini an iya pangarap.
