Usa nga kakaiba nga ngisi an ginpakita han 33-anyos nga engineer nga hi Prathab Muniandy mahuman niya makab-ot an Guinness World Record para ha titiulo nga ‘most teeth in a person’s mouth (male)’. Mayda hi Prathab kabug-usan nga 42 nga ngipon, mas damo hin 10 kumpara ha komon nga adult nga mayda la 32.
Syahan nga napansin ni Prathab an iya mga sobra nga ngipon dida han 2021 ha usa nga family gathering han magpakuha hiya hin dental x-ray, kun diin nakit-an nga mayda pa ngay-an upat nga ngipon nga dire pa nagawas hadto ha iya gilagid.
Dida han syahan nga parte han 2023, opisyal na nga tumubo an ngatanan han iya nagipon sanglit umabot ha 42 an iya mga ngipon, ngan mayda kadugangan pa hiya nga duha nga dire pa natubo. Swerte naman ni Prathab mahitungod nga mga tadong an pagtubo han iya mga ngipon ngan waray magdurot hin anuman nga defect o komplikasyon.
Sumala kan Prathab, dire dayun napapansin han mga tawo an iya kondisyon mahitungod nga normal kitaon an iya ngisi labot nala kun iihapon ini hin kusa.
Bisan man kun nagpapasalamat hiya ha kakaiba nga rekord, ginsisigurado la gihapon niya an sakto nga pag-atiman ha iya panlawas pinaagi han regular nga pagsisipilyo ngan pagbisita hin regular ha iya mga dentista.
