Sumaka na ha subra 900 an ihap han suspected cases han Ebola ha Democratic Republic of Congo sumay kan World Health Organization (WHO) Director-General Tedros Adhanom Ghebreyesus.
Ini in ha butnga han mahugot nga surveillance efforts ha mao nga nasud.
Subay ha WHO chief, tikang ha subra 900 suspected cases, 101 an kumpirmado nga kaso.
Ha pinaka urhi nga datos dida han weekend, gin kumpirma han DR Congo health ministry nga umabot na ha 204 an na awat an kinabuhi mahitungod ha viral disease nga nahipatim ha tulo nga probinsiya han central African country.
Mababaruan nga dida han Mayo 15 han igdeklara han WHO an Ebola outbreak tungid han Bundibugyo strain ha Congo, nga ha pagkayana in waray pa aprubado nga bakuna o tambal.
An Ebola in usa nga nakamamatay nga sakit nga na natapon pinaagi han direkta nga kontak ha bodily fluids sugad man puydi mag kawsa hin severe bleeding ngan organ failure.
