TACLOBAN CITY – Arestado an usa nga empleyado han Philippine Drug Enforcement Agency (PDEA) Regional Office 8 ngan usa pa nga newly identified pusher ha gindumara nga buy bust operation han mga otoridad ha Brgy. 61, Astrodome Tacloban City.
Ginkilala an mga suspek nga hi Michael Regala, 31 anyos an pangidaron, may live in partner, job order employee han PDEA 8, residente han Brgy. Canlapwas, Catbalogan City ngan hi Hanna Batac, 18 anyos an pangidaron ngan residente han Brgy. Pawing Palo, Leyte.
Ha pakipaghimangraw han Bombo Radyo Tacloban kan Regala, nga harani usa ka tuig na hiya nga empleyado han PDEA ngan maaram daw an ahesya nga hiya in magkakamay-ada hin transaksyon amu nga natigdaan na daw la ini han iya in pagdakpon.
Napalit tikang ha mga suspek an usa nga sachet han gintutuuhan nga shabu ngan nakuha gihapon ha posisyon han mga ini an tulo pa nga sachet ngan P500 nga gingamit nga buy bust money.
Pamatian naton an pamahayag han suspek nga hi Michael Regala, daw empleyado ha PDEA nga nadakop ha buybust operation:
Ha pagkayana, in ada na ha kustodiya han mga otoridad an mga suspek ngan naatubang na ha kaangayan nga kaso.
Samtang, ginklaro naman han Philippine Drug Enforcement Agency (PDEA) Regional Office 8 nga diri job order employee o konektado ha hira an suspek nga nadakop ha di pala iha nga gindumara nga buy bust operation ha Brgy. 61, Astrodome Tacloban City.
Sumala kan Edgar Jubay, Regional Director han PDEA 8, nga usa la nga informant an mao nga suspek han PDEA sugad han mga gingagamit han tanan nga mga law inforcement agencies.
Dugang pa hini nga an ginpirmahan hini ha ira in usa la nga agent agreement ngan diri contrata ngan an nakakarawat naman hini nga kwarta tikang ha ahensya in diri sweldo kundi allowance la.
Ginduon pa hini nga waray mga JO employees an PDEA tungod regular ngan contractual la an mayda ha ira ahensya.
An kaparte han pamahayag ni Edgar Jubay, Regional Director han PDEA 8
Samtang, ginpahayag naman han kampo han TCPO pinaagi kan PSSupt Rolanda Bade nga bumase la hira han nagin statement han suspek durante han ira gindumara nga imbestigasyon.
