Umatender ha iya pinakasyahan nga Imperial banquet ha Imperial Palace hi Prince Hisahito, 19-anyos, kumo kaparte han pag karawat han opisyal nga pagbisita nira Pangulong Ferdinand “Bongbong” Marcos Jr. ngan First Lady Liza Araneta-Marcos ha Japan.
An diplomatiko nga panihapon in gin tutudlok nga makasaysayan nga higayon para ha bata nga prinsipe, nga ha pagkayana in ika-duha ha linya han magmamana han Chrysanthemum Throne han Japan.
An pag attender ha sugad nga okasyon in usa nga importante nga pitad para ha iya paglingkod ha mas pormal nga katungdanan maharlika.
Kaupod ha mga nahinabo ha mao nga banquet an malipayon nga pakikighimangraw ni Department of Trade and Industry (DTI) Secretary Ma. Cristina Roque kan Prince Hisahito, nga nagmarka ha mas hilarom nga relasyon ha butnga han Pilipinas ngan delegasyon han Japan.
