NATIONAL NEWS– Nagpahimatgon an Embahada han Pilipinas ha Washington kontra ha sayop nga impormasyon nga nagsarang kasumpay ha pagbabawal hiton dual citizenship ha Estados Unidos.
Kalakip ha mga nagsarang ha social media ha US an pagpapahuruhugot ha mga green card holders.
Subay ha abiso nga ginpagawas han Embahada, ginklaro hine nga waray pagbabag-o an US government kasumpay ha himangrawon hiton dual citizenship.
Dire gihapon kinahanglan pa mag-renounce han ira Filipino citizenship matungod nga dire naman ine kinahanglan.
Mababaruan nga an post nga nagsarang online ha nasabi nga nasud in nagdurot hin pagka-alarma ha mga Pilipino nga nag-uukoy ngan nagtratrabaho ha nasabi nga nasud.
Ginsagdunan naman hiton Embahada an mga Pilipino ha US nga batasanon panginanuon an impormasyon nga ira nakikit-an ngan nakakarawat kun ine in tikang ha mga lehitimo nga sources.
