METRO MANILA – Magbubuhat hin special meeting ha sunod nga semana an economic team han Marcos administration agud paghisgotan an suspensyon han excise tax ha lana.
Sumala ha Department of Budget and Management, nga natindog nga chairman han inter-agency nga Development Budget Coordination Committe, aaksyunan han grupo an mga isyu kasumpay ha full fiscal implications han posible nga suspensyon han excise tax ha lana sugadman an mahugot nga paghimay han economic team ha mao nga polisiya.
Gineksplikar ni Budget Undersecretary Goddess Hope Libanan nga ira ginpra-prayoridad nga mabalanse an pagdul-ong han dayon nga bulig para ha publiko samtang ginpre-preserba an medium-term fiscal sustainability ngan macroeconomic stability.
Manunumduman nga ginpirmahan na ni Presidente Ferdinand Marcos Jr. an Republic Act 12316 kumo balaud, kun diin puydi suspendiron han Presidente o ibanan an excise tax ha lana basar ha rekomendasyon han DBCC, ha pakikipagbubligay ha sekretarya han Department of Energy.
