-- Advertisements --
NATIONAL NEWS– Ginpapag-adman na ni Tourism Secretary Christina Garcia Frasco an deregulation ha mga airline industry ha nasud.
Ine in kanit ha reklamo nga nakarawat niya ha duro kahitaas nga pamasahe ha eroplano pakadto ha mga tourist destination ha nasud kumpara ha airfare ha mga tipakadto ha iba nga nasud ha Asya.
Dugang pa hine nga an airline industry in na-deregulated tikang pa hadton han executive order han 2011.
Hangyo gihapon han Department of Tourism ha Civil Aeronautics Board (CAB) para magpresenta hin binulan nga ticket pricing para ha mga eroplano.
Una na nga gin-esplikar han CAB nga an hitaas nga pamasahe ha mga eroplano in tikang ha magkalain-lain nga travel agencies ha nasud nga nag-ooffer ha mga lokal tourist destinations.
