METRO MANILA – Nagpatapud an Department of Labor and Employment hin sakto nga trabaho, bulig, ngan livelihood ha mga mananarabaho han Pilipinas nga posible nga ma-displace mahitungod ha epekto han giyera ha Middle East.
Ha nagin pagdunog han Senate Committee on Foreign Relations ngan Migrant-Workers Committee kasumpay ha epekto han giyera, ginpakian-han committee chairman nga hi Sen. Erwin Tulfo kun may nakaandam nga plano an DOLE kun may mga magsasara nga negosyo o mga mag-iiban hin mga empleyado mahitungod ha hataas nga presyo han petrolyo.
Baton naman ni Labor USec. Carmela Torress, nga mayda na naghuhulat nga trabaho dinhi ha Pilipinas samtang ginpapangita gihapon nira an tanan nga available nga posible i-offer ha mga mananarabaho.
Sumala kan Torress, kinahanglan ginhapon matudlok an kategorya han trabaho nga susudlan han mga mananarabaho sugad han professional, skilled, ngan iba pa, agud masunod an gin-o-offer nga trabaho ha ira.
Samtang, ginsigurado naman hini nga akos i-accommodate han DOLE an tanan nga mananarabaho, may sakto nga trabaho ngan livelihood an akos i-offer han gobyerno.
