-- Advertisements --
NATIONAL NEWS– Tututukan yana hiton Department of Migrant Workers (DMW) an kahimtang ngan sitwasyon han mga Overseas Filipino Workers (OFW’s) nga apektado han 7.7 magnitude nga linog ha Myanmar ngan han 6.4 magnitude ha Thailand.
Ginsigurado ni Migrant Workers Secretary Hans Leo Cacdac nga padayon hira makikigsumpayan ha mga opisyal ngan personel han Philippine Embassy ha nasabi nga nasud para magpadangat hin bulig nga ginkikinahanglan hiton mga apektado nga OFW’s.
Nanawagan gihapon an kalihim ha publiko nga maghatag hin pag-ampo ha mga kababayan nga Pilipino nga aadto ha nasabi nga nasud.
Ha pagkayana, nagpapadayon an mga otoridad ha pamiling han mga gindeklara nga missing ha nasabi nga panhitabo.
