NORTHERN SAMAR–Ginklaro han Department of Education (DepEd) Northern Samar, an mga detalye kasumpay han alegasyon nga pangastigo han magturotdo ha usa nga estudyante ha Mondragon Northern Samar.
Sumala kan Dr. Guadenco Aljebe Jr, School Division Superintendent han DepEd Northern Samar, aminado hiya nga magturotdo nira an involve ha nasabi nga himangrawon.
Pero ginklaro hine, nga an nagsarang nga report in kabaliktaran, matungod nga dire magturotdo an nangastigo, lugod usa nga out of school youth an nagkastigo ha magturotdo.
Ginklaro gihapon hine nga an panhitabo in natabo han ika-10 hiton Enero ngan dire han ika-11 hiton Enero nga nagsarang ha usa nga social media platform.
Ginmalatumat naman ni Albeje, nga mag-urupod an biktima, suspek, ngan an ira mga kasangkayan ha usa nga sarakyan , para umatinder hiton usa nga katitirok ha Calbayog, ngan nag-bisita ha UAP para hin usa nga kaadlawan kun diin nagamayda hin irignom.
Nagtikang naman an insidente samtang tipauli hira alas 11:30 han gab-i, kun diin hubog na an suspek, ngan nagpipinan ngastigo na ine ha ira upod ha sulod hiton sarakyan, kahuman mangastigo ha ira upod binmalhin ine ha front seat kun diin nakadto an involve nga magturotdo nga asya naman an gindiskitahan nga kastiguhon.
Nag-angkon naman hin psychological trauma an magturotdo mahitungod han sayop nga impormasyon nga nagsarang ha social media.
Ha pagkyana, gin-aatimanan na an biktima ngan ginsagdunan nga magpailarom ha mental health psychosocial support system.
Pananglitan naman na mayda ka kilala nga mayda ginpapag-agian nga ayat ha kinabuhi, ngan karuyag mo bumulig, dire mag-alang nga tumawag ha ha numero nga han National Center for Mental Health (NCMH).
*[NCMH CRISIS HOTLINE]*
1553 Nationwide landline toll-free
GLOBE/TM Subscribers
0966-351-4518
0917-899-8726
SMART / SUN / TNT Subscribers
0908-639-2672
Samtang, waray na magpasaka hin bisan anu nga kaso an biktima ala kontra ha suspek, ngan ginsagdunan nala ine nga kun mag-iinom in siguraduhon nga moderate la ngan dire duro nga magpakahubog.
