NATIONAL NEWS– Ginsigurado han Department of Budget and Management (DBM) ha publiko nga mayda sadang nga pondo para ha disaster response ngan recovery efforts ha mga lugar nga nadarahigan han kalamidad.
Sumala kan Budget Secretary Amenah Pangandaman, naka-andam an gobyerno nga respondehan an mga panginahanglan han mga indibidwal nga na-displace matungod han pagbaha dara han makusog nga mga pag-uran ngan hanging habagat.
Dugang pa hine mayda National Disaster Risk Reduction and Management Fund o naka-alutaga nga pondo nga pwede magamit ha mga lugar nga apektado han paglasurbo han kalamidad.
Labot dinhi, mayda gihapon naka-standby funds an kada front-line agencies nga pwede gamiton para ha paghatod han relief aids ngan recovery efforts.
Nanawagan naman an DBM ha mga ahensya nga makigsumpayan ha ira para makaghatag han ira Quick Response Funds, nga gagamiton ha relief ngan rehabilitation efforts ha kasagsagan han kalamidad.
