TACLOBAN CITY- Gin-abisuhan han buhatan hiton Business Permit and Liscensing Division an publiko nga namamagpakabuhi ha ligid han karsada sugad han vulcanizing shop, ngan junk shop nga bumalhin nala hin lugar o pwesto agud nga makapagpakabuhi an mga ine hin hapsay.
Sumala kan Gemmafiel Gaspay ,Head BPLD Tacloban City, kadam-an mangud ha mga ine in ada ha ligid han karasada kun diin dire na an mga ine gin-iisyuhan hin barangay clearance han ira mga tagsa-barangay, snaglit nagkakamyada hin rason an ira buhatan agud nga makag-isyu hira hin mga notices ha mga ine.
Dugang pa han mao nga opisyal, nga gintatagan nira hin panahon an mga ine nga makabalhin hin pwesto, matungod nga ha pagkita han buhatan, ine nala an nasasalin nga solusyon agud nga makapagpakabuhi an mga ine hin dire mapapaiwas ha ira pwesto.
Pero ha kaluyo hine, padayon naman nga ginpahinumdom han mao nga opisyal, nga sumunod la gihapon ha mga ginpapatuman nga balaod hiton ira buhatan sugadman han bug-os nga syudad, kasumpay ha pangabuhian.
