TACLOBAN CITY – Kapot na han mga otoridad an mga suspek ha pagpatay han konsehal ha Mercedes, Eastern Samar.
Ini in mahuman nga umamin an body guard ni Mercedes, Eastern Samar Mayor Enrique Cabos nga hira an nagpapaluyo han pagpusil patay han konsehal han mao nga bungto.
Una hini, naaresto hi Marvin Gajol ngan kaupod hini nga hi Francisco Baleña mahitungod han illegal posession of firearms ngan kahuman in gin-ako han mga ini pagpatay han biktima nga hi Mercedes Councilor Antonio Abris.
Sumala kan Eastern Samar Police Provincial Official Provincial Chief PSSupt. Felix Diloy, baseha microscopic findings han regional crime laboratory an ginamit nga pusil han mga suspek in nagmatch ha basiyo han bala nga nakuha ha lawas han konsehal.
Mahitungod hini in usa ha ginhihingita nga motibo han insidente in may kalabutan ha pulitika mahitungod nga an biktima nga hi Abris in usa ha mga numero uno nga kritiko han Mayor han Mercedes.
Samtang, sumala naman kan PSSupt. Rolando Miranda, Eastern Visayas Regional Police Deputy Regional Director for Operations, ha pagkayana in waray pa kongkreto nga ebidensya nga magduduon kan Mayor Cabos kumo primero nga suspek ha pagpatay han biktima mahitungod nga waray man liwat ini hiya gintudlok han body guard hini nga hi Gajol.
