TACLOBAN CITY – Ginpahibaro han buhatan hiton Bureau of Fisheries and Aquatic Resources BFAR-8, nga magdudumara an hira hin caravan pandestrebwer han fuel subsidy card para ha mga parupangisda ha bug-os nga rehiyon, kun diin target han mao nga buhatan nga makapan-destrebwer hin sobra 5,000 nga mga fuel subsidy card ha 1st tranche han mao nga subsidiya.
Sumala kan Christine Gresola, Information Officer han BFAR-8, nga yana nga maabot nga Agutso 9- Hinunangan Southern Leyte, Hinundayan, Anahawan, San Juan, ngan Silago, nga mayda 268 nga mga benepisyaryo, Agusto 10, Liloan Southern Leyte, San Francisco, Pintuya, San Recardo, ngan St. Bernard kun diin mayda 173 nga parupangisda, Agutso 11, Sogod, Libagon, Bontoc ngan Tomas Opos, nga mayda naman 141 nga mga fuel discount card nga igpapanhatag ngan an katapusan nga adlaw han Agusto 12, duha nga lugar an ira kakadtuan ine in ha Maasin, Macrohon, ngan Padre Burgos kalakip na an Limawasa ngan Malitbog.
Para naman ha mga parupangisda nga dire makaka-habol han paghatag han BFAR-8 fule discount card in pwede an mga ine pumakadto ha mga lugar nga mayda caravan an BFAR-8 pandestrebwer.
Sanglit nag-abiso an buhatan an mao nga buhatan, nga makipagkooperar ha nakatalaan nga mga petsa agud nga makuha nira han fuel subsidy card.
Mababaruan, nga mayda naman maabot P3,000 an sulod han mao nga fuel subsidy card, kun diin pwede han mga ine magamit ha exclusive nga mga accridited nga gasoline station.
Gin-pahimatngunan naman han buhatan an mga benepisyaryo nga dire withdraw-hon an mao nga sunsidya ha mga ATM machine.
Una na mangud nga naka-karawat, an mao nga ahensya nga mayda pipira nga mga benepisyaryo nga namag-withdraw han ira subsidy, kun diin nahibaro an ira buhatan ngan na-trace an mga ine ngan an mga personal information han benepisyaryo nga mga parupangisda.
Mahugot naman nira nga ginpahinumdom ha mga benepisyaryo, nga pananglitan mahibaruan han buhatan nga mayda pa mag-utro nga mag withdraw ha mga ATM machine, in dire magruruwa-duha an ira ahensya nga igdi-activate an mao nga fuel subsidy card, matungod nga ine an nakasulod ha ira pipirmahan nga kasarabutan ha pag-karawat pala hiton fuel subsidy card.
