NATIONAL NEWS- Naghaon hin panibag-o nga mga reklamo nga kriminal ngan administratibo an kampo han pamilya Duterte kontra ha mga higtaas nga opisyal han Marcos administration ngan police officers ha Office of the Ombudsman yana nga adlaw.
Ine in may kasumpay ha pagka-aresto han iya tatay nga hi anay Pangulong Rodrigo Duterte ha Ninoy Aquino International Airport (NAIA) hadton Marso 11 han presente nga tuig.
Ha 160 kapaypay han affidavit complaint, gin-akusaran ni Davao City Acting Mayor Baste hira Justice Secretary Jesus Crispin Remulla, DILG Sec. Jonvic Remulla, DND Sec. Gilbert Teodoro, NSA Eduardo Ano ngan iba pa na mga opisyal hin kidnapping, arbitratry detention, grave misconduct ngan iba pa nga pagtalapas ha balaod.
Gin-ngaranan gihapon kumo respondent ha reklamo hira anay Philippine National Police (PNP) Chief Gen. Rommel Francisco Marbil, former Criminal Investigation and Detection Group Director Maj. Gen. Nicolas Torre III, Prosecutor General Richard Anthony Fadullon, DOJ Undersecretary Nicholas Felix Ty, ngan iba pa nga mga pulis ngan justice officials.
